LAOAG CITY – Inpaganetget ni United States Coast Guard Commandant Admiral Linda Fagan iti naisayangkat nga International Institute for Strategic Studies Shangri-La Dialogue special session iti “Maritime Law Enforcement and Confidence Building” ti kinapateg dagiti ahensia a mangipatungpal ti maritime laws ti akemna iti geopolitical isyu iti Asia-Pacific.
Kadua ni Admiral Fagan iti nadakamat a taripnong da Philippine Coast Guard Commandant Admiral Ronnie Gil Gavan ken Japan Vice Admiral Seguchi Yoshio.
Inrakurak ni Fagan a masapol nga ipakita dagiti ahensia a mangipapatungpal ti maritime ket masapol a magipakita ti propesional a kababalin iti baybay tapno suportaranda ti nasayaat a panagturay iti taaw no sadinno kritikal iti sangalubongan a kinarang-ay ken kinatalged ti ekonomia.
Innayon ni Fagan a dagiti dakes nga aktibidad kas iti human and drug trafficking, cyber-attacks ken unregulated fishing ti mangtignay iti kinaawan ti kinatalged ken mamagpeggad iti rules-based international order.
Iti nasao a taripnong, inpaganetget ni Rear Admiral Gavan kadagiti kakaduana a coast guards a pasardengen ti panagraut ti water cannon iti West Philippine Sea.
