LAOAG CITY – Nangbukel ti lokal a gobierno iti ili ti Vintar ti project monitoring team para kadagiti amin a proyekto a naiyimplementar kadagiti nagduduma a barangay iti nasao nga ili .
Daytoy ti pakakitaan ti saan nga agsarday a proyekto ti administrasyon ni Mayor Richard Degala ken ti sibubukel a gobyerno iti ili ti Vintar.
Segun ken ni Mayor Degala, dagiti mangbukel iti Project Monitoring Team ket dagiti kameng ti Municipal Engineering Office, Municipal Planning Development Officer, Disaster Risk Reduction and Management, Department of Interior and Local Government, napili a barangay chairman, National Government Organizations ken ti Civil Society Organization.
Mainaig iti daytoy, immuna a napan nagmonitor ti grupo kadagiti barangay iti North of the River ken Surong Valley, simmaruno iti Pallas Valley ken iti Poblacion iti ili ti Vintar.
Innayon ni Mayor Degala a no adda ti maipatungpal a proyekto babaen ti gobierno national ket karaman pay a monitoren ti nabukel a Project Monitoring Team iti ili ti Vintar.
