LAOAG CITY – Maragasakan nga inpakaammo ni Mayor Richard Degala iti ili ti Vintar a manamnama a maaprobarenen ti proposed budget para nga agdagup ti P347-M iti 2025 iti nasao nga ili.
Segun kenkuana, tiu kangrunaan a nailatangan ti pondo ket iti biang ti salun-at, imprastaktura ken agrikultura.
Kinunana a kalikagum ti lokal a gobierno a maipaayan ti solar powered irrigation kadagiti nagduduma a barangay nangruna kadagiti nasusulinek a paset kas iti Palias Valley ken Surong Valley tapnu agtultuloy ti panagmula ti pagay dagiti mannalon.
Innayonna inton umay a bulan ket maipaayan dagiti mannalon iti fertilizer.
Kabayatanna, namanamaenna a maipasa ti proposed budget para iti 2025 ti nadakamat nga ili inton bulan ti Nobiembre.
