LAOAG CITY – Mamati ni Atty. Juanito Antonio, maysa a private practioner a bayat iti naglabas nga 11 nga aldaw iti impeachment trial ti Vice President Sara Duterte ket ad-adda a naiprisintar ti biang ti prosekusion dagiti statements-da.
Segun kenkuana, maysa kadagiti kangrunaan a nangpapigsa ti laban ti prosekusion kontra iti biang ti depensa ni Vice President Sara ket ti nagbalin a presentasion ti Articles of Impeachement a grave threats kontra iti bise.
Inbatadna a dakkel a laban dagiti ebedensia ti prosekusion pakairamanan ti video mainaig iti naisawang ni Vice President Sara a panagpangtana ken ni Presidente Ferdinand Marcos Jr., First Lady Liza Marcos ken ti dati a House Speaker Martin Romualdez.
Inlawlawagna a dagiti uppat nga articles of impeachment a sangsangoen ti bise ket uray maysa laeng kadagitoy ket na konvictraran ti bise ket agbalin daytoy a convicted iti kaso.
Malaksid iti daytoy, padpadaanan pay ni Atty. Antonio ti manamnama a panakaiprisintar ti threshold iti trial no sadinno ket dagiti senator-judges a nabati ti agbotos a mangiyetnag no surutenda ti two thirds dagiti amin a 24 a senador wenno two thirds iti amin a makaatendar a senador tapno agbotos iti sumaruno a panagdenggeg. .
