LAOAG CITY – Kitkitaen ti House prosecution panel ti dati a Department of Education (DepEd) Assistant Secretary ken pannakangiwat a ni Atty. Michael Poa kas hostile witness iti impeachment trial ni Bise Presidente Sara Duterte.
Segun ken ni House trial spokesperson Rep. Zia Alonto Adiong, kangrunaan a saksi ni Poa iti isyu ti confidential funds ti Department of Education (DepEd) idi sekretario daytoy ni Duterte.
Naamoan a maysa ni Poa kadagiti opisyal a nagresponde iti Audit Observation Memoranda (AOM) ti Commission on Audit (COA) mainaig iti pannakaaramat ti confidential funds ti Department of Education (DepEd).
Kinuna ni Adiong a makatulong ti testimonia ni Poa a mangilawlawag no kasano a tinaming ti Department of Education (DepEd) dagiti naduktalan ti audit ken dokumento a mainaig iti pondo.
Ti isyu ti DepEd confidential funds ket paset ti Article I ti impeachment complaint, a mangtaming iti mapapati a di umiso a pannakausar, embezzlement ken irregular liquidation ti confidential funds iti Office of the Vice Presidet (OVP) ken Department of Education (DepEd) .
