LAOAG CITY –Nangisagana ti House prosecution panel ti agingga 13 a witnesses iti impeachment trail ni Vice President Sara Duterte mainaig iti Article 1 iti maipagarup a saan nga umno a panagusar ti P612.5M a gated ti confidential funds.
Nalpasen ti prosekusion ti presentatsion ti ebidensia iti Article IV mainaig ti grave threats, no sadinno nga inbatad ni House Prosecutor ken Manila Rep. Joel Chua nga insaganan ti panel ti sumaruno a grupo dagiti witness.
Iti baet daytoy, inbatad ni Chua a ti panagpresenta ti nababbab a witness ket saan a mangpakapuy iti kaso ti prosekusion.
Immunan a nailista ti 11 witness para iti Article IV ngem naibaba daytoy iti tallo.
Kastoy pay ti mabalin a maaramid iti Article I ken kunana a ti pannakaiyalisto ti proceedings ket mangipaay ti dalan kaagiti senator-judge a pagdesisionan tti kaso.
