LAOAG CITY – Kimmaro ti protesta idiay India kalpasan ti bandalismo nga inaramid ti maysa a grupo a nakaramesan ken nakatayan ti maysa a trainee doctor idiay West Bengal state.
Naraut ti ospital idi Mierkoles bayat ti dakkel a “Reclaim the Night march” a naangay iti Kolkata City tapno agprotesta kontra ti maibilang a brutal a krimen.
Naangay pay ti protesta kadagiti sumagmamano a siudad ti India kas iti Delhi, Hyderabad, Mumbai ken Pune.
Mainaig iti daytoy, inpakaammo ti Indian Medical Association (IMA) a ti welga ti kadakkelan a grupo dagiti doktor iti nasao a pagilian ket maangay inton Sabado, oras idiay India.
Kabayatanna, unabot iti rinibribu a babbai iti intero nga estado ti nakipaset iti “Reclaim the Night march” tapno agkiddaw iti panagwaywayas ken mangwaya-waya kadakuada manipud iti buteng ken trauma.
