LAOAG CITY – Inpasigurado ni Atty. Yvet Leynes, ti Provincial Administrator ken chairman ti Bids and Awards Committee ditoy probinsia a trataren na ti concern mainaig iti maipagarop a panagur-uray a nabayag dagiti gumatang ti bidding documents.
Daytoy ket kalpasan nga adda dagiti reklamo a naidanun ditoy Bombo Radyo Laoag mainaig iti nasao a banag.
Naimatangan pay a mismo ti news team ti Bombo Radyo nga adda dagiti agur-uray ken basar kadagiti dadduma a gumatang ti bidding documents ket namin-adon a nagsubli da gapu ta maipagarop a ti rason dagiti adda iti Bids and Awards Committee Office ket iyuray da ti ibaga ti nagto.
Malaksid iti daytoy, adda pay dagiti nagmalmalem a nagur-uray iti ruwar ti nasao nga opisina.
Segun pay kadagiti mapan mangala ti bid documents ket ita da laeng a mapadasan daytoy a sitwasyon gapu ta dati da metten a makibi-bid.
Kuna pay ti maysa a saanna a maawatan no apay a kastoy ti kabayag gapu ta saan met a flood control daytoy no diket medisina.
