LAOAG CITY – Mangnamnama ni Mr. Danilo Arado, Senior Agriculturist ti Provincial Agriculture Office nga iti baet nga adu dagiti natnateng a nadadael gapu kadagiti nagsasaruno a bagyo a dimmuprak ditoy probinsia ket saan a ngumato ti presiona.
Inbatadna nga adda dagiti tulong nga inpaay ti opisinada babaen iti panangisayangkatda ti programa nga Agri Ka Dito.
Kunana nga adda pay ti naibunong a bukbukel kadagiti maseknan nga umili kas sukat dagiti nadadael a mulada.
Innayonna a nakasagana ti opisinada a mangakomodar dagiti agkiddaw ti tulong tapno masupusupan dagiti kasapulanda nga imula.
