LAOAG CITY – Naiget ti panangmonitor ti Provincial Agriculture Office iti presyo dagiti nateng ditoy probinsya.
Daytoy ti inbatad ni Engr. Maria Teresa Bacnat, mangidadaulo ti Provincial Agriculture Office.
Kunana a dakkel a tulong ti Bagsakan Center iti ciudad ti Batac tapno mamonitor a naimbag ti presyo dagiti nagduduma ti klase na a nateng a mailaklako ditoy probinsya.
Innayon na a saan laeng a ti agmonitor ti presyo dagiti nateng ti ar-aramiden da no di ket tulungan da pay dagiti mannalon nga agilako kadagiti produkto da.
Inrakurak na pay a saan laeng a dagiti mannalon ti matulungan da no di ket uray dagiti traders.
