LAOAG CITY – Saan pay a masinunuo ti Provincial Agriculture Office no dakkel a benepisio para kadagiti mannalon ti mapaspasaran a panagtudtudo ditoy probinsia ita bulan ti Enero.
Segun ken ni Mr. Danilo Arade, Senior Agriculturist ti nasao a pangopisinaan, iti kastoy a bulan iti napalabas a tawen ket dumanon iti sumurok sangapulo nga ektaria ti naraepanen maidasig ita a bulan iti agdama a tawen ket adda laeng ti siam a ribu nga ektaria.
Inbatadna a basar iti panagmonitorda ket imbes a mais ti inmulada ket pagay gapu iti panagbalbaliw ti panawen.
Inlawlawagna a no dagiti agmulmula ti pagay ket mabalin a dakkel a benepisio kadakuada ti panagtudtudona ngem no dagiti dadduma ti mulada ket saan.
