LAOAG CITY – Kiniddaw ni Mrs. Norma Lagmay, ti Provincial Agriculturist ditoy Ilocos Norte kadagiti barangay captains ditoy probinsya nga ikkan da koma ti permit dagiti mannalon tapno makapan da agburas iti mula da a makan wenno aggapas ken agibiyahe kadagiti produkto da.
Nupay kasta, masapol ano agibiyahe kadagiti produkto ket masapol nga adda ti kakuyog ti permit nga Health Certificate nga aggapo iti Rural Health Unit (RHU).
Inlawlawag ni Lagmay a no saan a maburas a dagus dagiti mula ket dakkel ti posibilidad na a madadael dagitoy.
Inbatad na a no maperdi dagiti mula dagiti mannalon ket mangitunda ti possible a panagbaba ti ekonomiya ken adda dagiti agbisin.
Innayon na a no adda dagiti agbisin ket adda ti mapasamak a riribok a mangparnuay ti ado a krimen.
Kabayatanna, kuna ni Lagmay a mabalin pay dagiti mannalon ti mangtandan ti mangtulong kadakuada nga agburas kadagiti mula da tapno adda met ti pamastrekan dagiti awan ti talonen na kangrunaan na iti daytoy a panawen ti krisis gapu iti covid-19.
