LAOAG CITY – Pimmusay ni Police Lt. Col. Rely Layug, ti mangidadaulo Provincial Community Affairs and Development Unit iti Ilocos Norte Police Provincial Office (INPPO).
Daytoy ti kinumpirmara ni Provincial Director Police Col. Christoper Abrahano.
Segun ken ni Abrahano, naitaray idi rabii ni Layug iti Black Nazarene Hospital kalpasan a naatake.
Nupay kasta, inbaga ni Abrahano nga itay alas-tres ita a malem ket naipakaammo kenkuana a pimmusayen ni Layug.
Ni Layug ket naipromote laeng kas Police Lt. Col. itay napan a bolan.
