LAOAG CITY – Personal a napan bimmisita ni Provincial Director Police Col. Christopher Abrahano iti dakkel a mall iti ili ti San Nicolas itay bigat.
Daytoy ket tapno makita na a mismo ti sitwasyon iti lugar iti umuna nga aldaw ti pannakaipatungpal ti General Community Quarantine (GCQ) ditoy probinsya.
Iti babaen ti GCQ ket napalubusanen a naglukat dagiti dadduma pay nga stalls iti mall.
Kas ti ninamnama ket ado dagiti nagturong iti nasao a mall ngem naiget ti pannaka-obserbar ti social distancing ken panagusar ti face mask.
Kinasarita met ni Abrahano dagiti kameng ti pulisya a naka-assign iti lugar mainaig iti ad-adda pay a pannakapaiget ti panagbantay da tapno masigurado nga awan dagiti manglabsing kadagiti pagalagadan kabayatan ti quarantine.
