LAOAG CITY – Pabor ni Provincial Director Police Senior Supt. Cesar Pasiwen a mairehistro dagiti sim cards .
Inlawlawag na a no maipursige ti gakat para ti pannakairehistro dagiti sim cards ket dakkel a tulong tapno malapdan dagiti saan a maiparbeng nga aramid.
Inbatad na a no mairehistro ti sim card ket mamati nga awanen dagiti makaitured nga agipangta babaen ti text message ken uray ti extortion.
Inpetteng na a kadagitoy a gundaway ket alisto laeng ti gumatang ti sim card no sadinno a dagiti dadduma ket maus-usar iti saan a maiparbeng nga aramid.
Mamati ni Pasiwen a maminpinsan nga agsardeng dagiti linuluko ti aramid na no maiparehistro dagiti sim cards.