LAOAG CITY – Kiniddaw ni Provincial Director P/Col. Frederick Obar iti publiko nangruna dagiti agbibiyahe a makipakooperar kadagiti checkpoint nga iwaywayat dagiti otoridad iti kalsada kageddan ti ti panangrugi ti Comelec Checkpoint ita nga aldaw.
Kunana nga isardeng ti lugan, lukatan ti tawa ken i-turn on ti silaw iti uneg ti lugan tapno agbalin a naan-nayas ti pannakaipatungpal ti Comelec Checkpoint.
Kabinnulig ti Philippine National Police dagiti kameng ti armed Forces of the Philippines iti panangisayangkat ti checkpoint.
Mainaig iti daytoy, inpakaammu ni Obar a peaceful ti umuna nga aldaw ti Comelec Checkpoint.
Kabayatanna, inlawlawag met ni Commission on Election Supervisor Joel Jines a naiget ti panangisayangkat da ti plain view doctrine.
Ti plain view doctrine ket nalaglag-an nga amang ngem iti isaysayangkat dagiti kameng ti Philippine National Police a checkpoint.
Kunana a no ana laeng dagiti makita iti uneg ti lugan ket isu laeng, saan a sakup ti Commission on Election mangi-mandate ti pananglukat ti trunk ken compartment ti lugan.
Ngem no adda balido a rason ken agsalungasing dagiti agbibiyahe iti pagannurotan ti Comelec Checkpoint ket posible maiyuman kadagiti otoridad.
