LAOAG CITY – Inbatad ni Police Col. Provincial Director Cesar Pasiwen a masapol a respetaren dagiti umili iti ar-aramiden a panagpatpatrolya dagiti nailian a pulisya.
Reaksyon na daytoy kalpasan a maipagarop a kinagura ti agpaidasig a para mayor idiay Badoc, Ilocos Norte ti presensya dagiti kameng ti pulisya iti nasao nga ili.
Inpetteng na a no saan a respetaren dagiti umili dagiti kameng ti PNP ket mas pay nga awan ti respeto da kadagiti umili.
Inlawlawag ni Pasiwen a saan laeng nga iti ili ti Badoc ti nakaideployan dagiti ado a kameng ti pulisya no di ket uray dagiti dadduma nga ili ditoy probinsya a maibilang kas area of immediate concern.
Innayon na nga ad-ado pay dagiti maiwaras a kameng ti pulisya ken kameng ti Philippine Army a maideploy intono kaaldawan ti May 13 midterm elections.
