LAOAG CITY – Ibilang ni Provincial Director Police Col. Frederick Obar kas “unfair” ti akusasyon a miembro dagiti pulis iti “Largest Organized Crime Group”.
Inpetteng na nga adon ti sakripisyo da para iti organisasyon da isut gapuna a saan a rumbeng a maakusaran dagitoy a nakikappeng iti sindikato.
Inpalgak pay ni Obar nga ad-ado paylaeng dagiti pulis a napudno iti serbisyo na ken no adda man dagiti naiyaw-awan ti dana a kakadwa da ket mabilbilang laeng.
Innayon na a ti kasakitan a pasetna ket kadwa da pay a mismo iti organisasyon ti nangakusar kadakuada.
Maipalagip nga inrakurak ni Police Lt. Col Jovie Espenido a biggest crime syndicate ti nailian a pulisya, banag a naiget a kinontra ti nasao nga organisasyon.
