LAOAG CITY – Inbatad ni Provincial Director Police Col Frederick Obar nga awan ti drug laboratory ditoy Ilocos Norte.
Inaramid daytoy ti provincial director kalpasan ti nagsasaruno a pannakaiwayat ti drug buy-bust operation iti probinsiya kangrunaan na ditoy ciudad ti Laoag.
Inlawlawag na a dagiti makumkumpiskar nga illegal a droga kadagit maisaysayangkat nga anti-illegal drug buy-bust operation ket aggapo kadagiti kabangibang a probinsya kas iti La Union, Ilocos Sur ken Cordillera region.
Kuna a daytoy nga impormasyon ket aggapo metlaeng kadagiti suspek a matiltiliw kadagiti maisaysayangkat nga operasyon ditoy probinsya.
