LAOAG CITY – Inbatad ni PMaj. Jephre Taccad, pannakangiwat ti Ilocos Norte Police Provincial Office a naiget ti koordinasyon ni Police Col. Julius Suriben kadagiti lokal nga opisyal ditoy probinsya.
Daytoy ket kageddan dagiti agsasaruno a pangta ken panakapapatay dagiti lokal nga opisyal iti nagduduma apaset ti Pilipinas.
Segun ken ni Taccad, adda ti panagbisita ti provincial director kadagiti mayor iti nagduduma nga ili tapno maamoan nu adda ti maaw-awat a pangta wenno pakaalarmaan dagitoy.
Inpakaammo na a malaksid kadagiti mayor ket manamnama nga isaruno ni Suriben ti mangbisita kadagiti konsehal ken barangay captains iti intero nga Ilocos Norte tapno maamoan nu kasapulan dagitoy ti naan-anay a seguridad.
Mainaig iti daytoy, kiniddaw ni Taccad kadagiti opisyal ken kapulisan a dagus a maireport iti Provincial Office nu bilang adda dagiti pangta iti panagpapatay.
