LAOAG CITY – Nagpangta ni P/Col Ceasar Pasiwen, Provincial Director ti Ilocos Norte Police Provincial Office a saan nga agpangadua a mangipila ti reklamo apaman a maduktalan na no siasino iti mangus-usar ti nagan na.
Immuna iti daytoy, naduktalan na nga adda iti mangus-usar ti nagan na babaen iti itatawag na kadagiti Mayor tapno dumawat ti load para iti cellphone.
Gapu iti daytoy, nagpanawagan ni Pasiwen kadagiti opisyal ditoy probinsya a no madakdakamat ti nagan na ket saan da a mamatmati imbes ket tawagan da daytoy tapno amwen da ti kinapudno ti nasao a pasaamak.
Innayon na a maysa laeng daytoy a klase ti pananglukluko.
