LAOAG CITY – Imbatad ni Mr. Marcel Tabije mangidadaulo iti Provincial Disaster Risk Reduction and Management Office a nakasaganadan para iti mapaspasangasangan a bulan ti panagtutudo, no idileg idi napalabas a tawen.
Inbunanagna nga adda nakasaganan a tallo a rescue boat a mausar no adda dumteng a bagyo.
Malaksid iti daytoy ket adda pay manamnama nga uppat a rescue boat nga idonar ti National Government.
Kuna ni Tabije a dagitoy a rescue boat ket kanayonan kadagiti usarenda a pagrescue no adda dagiti kalamidad a dumteng ditoy probinsiya
Imbatad na a nakaibunong da metten ti nasurok a 1,230 a life vest kadaytoykadagiti siyam nga Local Government Units kadaytoy a bulan ti Pebrero, no sadinno a ti kada-lokal a gobierno ket naikkan ti 100 a life vest bayat a dagiti none coastal town ket 125 a life vest.
Inpettengna a nakasagana metten dagiti dump trucks, generators, ken dagiti heavy equipment kas kadagiti backkow, loader ken dgiti man lift ken boom truck, daytoy ket kas panagsagana da kadagiti sumangbay a didigra.
Kabayatanna, daytoy a panagsagana ket idadaulluan ni Gobernador Matthew Marcos Manotoc, no sadinno nga inpanamnama ti gobernador nga i-upgrade da dagiti equipment iti probinsiya tapno adda ti mausar dagiti umili.
