LAOAG CITY – Mangnamnama ni Atty. Joel Inez, Provincial Election Supervisor ditoy Ilocos Norte a natalna ti maiyuswat nga eleksyon intono Mayo ita a tawen.
Indiskribir na nga idi isuna manen ti election officer idi 2013 election ket “boring” gapo ta ado dagiti kandidato nga awan ti kalaban na.
Segun kenni Inez, ita nga isuna manen ti election officer ita a panagpipili ket mangnamnama a natalna ti maiyuswat nga eleksyon uray adda kalaban dagiti kaadoan a kandidato.
Inbatad na a saan kuma a malipatan dagiti kandidato ti pinirmaan da iti naisayangkat a peace covenant signing itay laeng bigat kalpasan ti unity walk.
Kunana nga addan to manen ti unity walk ken peace covenant signing iti kada ili ken ciudad ditoy probinsya ken mabalin a maiyuswat sakbay ti local campaign period.
