LAOAG CITY – Imbatad ni Fire Superintendent Roxanne Parado iti Provincial Fire Marshall ti Ilocos Norte a masapol nga ipatungpal dagiti amin a lokal a gobierno ti Republic Act No. 9003 Ecological Solid Waste Management Act of 2000 ken ti Republic Act No. 8749 wenno Philippine Clean Air Act of 1999 a mangiparit iti panagpuor.
Daytoy ket gapu kadagiti grass fire ken forest fire a mapaspasamak iti probinsya no sadinno a sipod idi nangrugi daytoy a tawen ket nakairekord ti biang ti Bureau of Fire Protection ti tallo a forest fire.
Maysa iti ili ti Nueva Era, maysa iti ili ti Solsona , ken maysa met iti ili ti Piddig, amin dagitoy ket iti nasulinek a lugar rason a kinuna ni Parado a narigat a makadanon ti kameng ti Bureau of Fire Protection kadagiti nasusulinek a lugar.
Segun ken Parado ket mangrugi iti bulan ti Enero ken Mayo ti kakastoy a pasamak.
Inlawlawagna a kaaduan a posibilidad a ti paggapuanan ti a grass fire wenno forest fire ket gapu kadagiti aramid met laeng ti tao, kas iti panagpuor iti kabanbantayan, panaganop, ken panagpuor wenno panagpaasok ti uyokan, pakairaman dagiti rungrong ti sigarilyo dagiti turista nga agturturong iti paset ti Solsona Viewdeck no sadinno a saan da a siguraduen nga umuna nga awanen ti apoy sakbay da a talawan.
Impakaammo ni Paradao a nakairekord ti probinsya ti 53 grass fire incidents katupag ti 370% increase idi napan a tawen, no sadinno a naalarma ti Bureau of Fire Protection pakairaman ti national.
Kabayatanna, inpettengna nga agbalin kuma a responsible dagiti tattao iti kakastoy a banag ken kunana a no masapol a balakadanna a kanayon ti pubiko ket aramiden na.
