LAOAG CITY – Inpakaammo ni Provincial Fishery head Ms. Vanessa Abigail Dagdagan nga adda ti ipapaayda a scholarship program kadagiti umili ditoy probinsiya.
Inbatadna a daytoy ket partikular a maidiaya kadagiti estudyante nga agas-adal iti Senior High school.
Segun kenkuana, ti nadakamat a scholarship ket addaan iti tallo a kategorya kas iti Fisherfolk scholarship no sadino a dagitoy ket dagiti annak ti mangalap.
Maikadwa ti Fisheries Industry Leader a dagitoy met dagiti ubbing nga addaan ti nangato nga average, ken ti maikatlo ke dagiti Scholarship para kadagiti Indigenous people.
Kabyatanna, inton bulan ti Nobiembre ket adda ti maangay a qualification examination ken manamnama a 28 nga estudyante a maala.
