LAOAG CITY – Naragsak nga inpakaamo ni Ms. Vanessa Abigail Dagdagan ti Provincial Fishery officer nga awan pay dagiti naipadanon iti opisina da a naapektaran a mangalap gapu iti El Niño phenomenon.
Inbatad na nga kaadwan kadagiti mangalap ket mangipakpakat iti naisuro kadagitoy a good aquaculture practices.
Kunana a karaman ditoy ti proper stocking density wenno panangikabil ti maiyannatop a bilang dagiti ikan iti kalawa iti piskarya.
Innayonna a daytoy nga addang ket tapno maliklikan ti fish kill.
Segun kenni Dagdagan ti ado a bilang nga ikkan iti maysa a piskarya ken nalabes a kinabara ti danum ket makaitunda iti panaka-sofucate dagiti ikan gapu iti nababa nga oxygen level.
Inbatad da nga idi naglabas a tawen adda dagiti naireport kadakuada a naapektaran aglalo iti ili ti Dingras ken Sarrat.
Gapu iti daytoy ket patien na a malapeddanen ita a tawen ti panakaapektar dagiti mangalap gapo kadagiti trainings a ipapapay iti opisina da iti babaen ti panakikoordinar da kadagiti lokal a gobierno.
Kabayatanna, inbatad na nga nu adda man ti maireport kadakuada a maapektaran gapu iti El Niño ket adda ti nakasagana a tulong a maipaay kadagitoy kas iti fingerlings, feeds ken technical support.
