LAOAG CITY – Inbatad ni Dr. Rickson Balalio iti Provincial Health Officer II ditoy probinsya a kalikagumda a mang-hire ti addado pay a nurse ditoy probinsiya.
Daytoy ket kalpasan nga adda ti naiwayat a renovation kadagiti dadduma a balay pagagasan ditoy probinsiya no sadinno a patyen ni Balalio a daytoy ket maysa nga addang tapno manayonan ti bilang dagiti mangmanged.
Inrakurak na nga awan serbi a mapapintas dagiti ospital no agkurkurang met ti health workers kas dagiti nurse.
Kunana nga iti maysa nga infirmary ket kasapulan iti nasurok a 10 a nurses.
Kabayatanna, patien ni Balalio a no umdas ti bilang dagiti nurse iti maysa nga ospital ket al-alisto ti serbisyo a maipaay kadagiti agkasapulan.
