LAOAG CITY – Ado dagiti agas a para iti tuberculosis ditoy probinsya.
Daytoy ti inbatad ni Dr. Rickson Balalio, ti mangidadaulo iti Provincial Health Office ditoy probinsya.
Kuna ni Balalio nga awan ti rumbeng a pagamkan dagiti pasyente gapu ta sidadaan ti gobierno probinsyal a tumulong kadakuada.
Iti agdama ket adda dagiti pasyente nga addaan ti sakit a tuberculosis ti maag-agasan iti Governor Roque Ablan Senior Memorial Hospital ditoy ciudad ti Laoag.
Inpanakkel pay ni Balalio nga epektibo ti programa a panangtaming iti saki a tuberculosis ditoy probinsya.
Innayon na a dakkel a tulong ti Mobile Van nga agsursursur kadagiti munisipyo tapno maiwayat ti nasao a programa.
