LAOAG CITY – Mangisayangkat ti Provincial Health Office nga idadauluan ni Dr. Rickson Balalio ti libre a “flu vaccination” para kadagiti amin nga empleado ti Provincial Government of Ilocos Norte.
Maiyuswat daytoy iti sango ti General Services Office manipud iti alas otso ti bigat agingga iti alas dose ti tengnga ti aldaw inton Pebrero 2.
Segun ken ni Dr. Balalio, daytoy ket paset iti maika-208 nga anibersario ti Ilocos Norte.
Mainaig iti daytoy, ginutigotna dagiti empleado a manggundaway iti nasao nga aktibidad a dakkel a tulong iti pannakasaluad ti salun-at ti tunggal maysa.
Patienna a babaen iti panagbakuna dagiti empleado ket ad-adda pay a maannongda a naimbag ti panangipaayda ti serbisio kadagiti umili.
