LAOAG CITY – Nagpalagip ti Provincial Health Office a kanayunen ti panagdalos ti aglawlaw tapno maliklikan ti hand, foot and mouth disease.
Segun kenni Dr. Rickson Balalio, sursurwen ti good hygiene gapo ta ngumatngato ti kaso ti sakit.
Inbatad na a manarimaan ti panangukkon da ti bilang ti kaso iti kada ili ditoy probinsya.
Kunana nga iti napalabas a bulan ti Agosto ti pannakairekord da ti kellaat a panagado ti nagpositibo iti hand, foot and mouth disease kangrunaan na kadagiti ubbing nga agtawen ti maysa agingga iti tallo.
Kabayatanna, inpasigurado ni Balalio a nakasagana dagiti opsital a pagturongan dagiti maseknan tapno mataming dagitoy.
Innayon na a kabaelan pay a mataming daytoy iti uneg ti pagtaengan ngem no nakaro ti sintomas ket masapol a maipan iti ospital.
