LAOAG CITY – Umabot iti 30 a fireworks related injuries ti nairekord ditoy probinsya sipud idi Disyembre 21, 2025 agingga idi Enero 5, 2026.
Daytoy ti kinumpirmaran ni Dr. Rickson Balalio, ti mangidadaulo iti Provincial Health Office iti kapitolyo probinsyal.
Segun kenni Balalio, kaadwan kadagiti biktima ket manipod ditoy ciudad ti Laoag no sadinno a manipod iti nasao a bilang ket 13 ti ubbing.
Nupay kasta, kuna na a minor laeng ti sinagaba ti kaadoan kas koma iti pannakasinit da.
Inlawlawag na a kaadwan kadagiti biktima ket nasugatan gapu ta saan nga usto ti panangusar wennu panangiggem da kadagiti paputok.
