LAOAG CITY – Inbatad ni Provincial Indigenous People Representative Cheryll Tabangay a ti kangrunaan a tutukan na ket dagiti nagduduma a programa a para kadagiti ubbing ditoy probinsya.
Kuna na a daytoy ti rason no apay a dagiti daycare pupils ti agtultuloy nga ipapaayan na ti tulong partikular dagiti school supplies.
Inbatad na a ti daycare ket isu ti basic foundation iti edukasyon.
Gapu iti daytoy, inrakurak na a sipud nadutukan a mangibagi kadagiti indigenous people ket rinugyan na a dagus ti nasao a proyekto.
Innayon na a malaksid iti kadagiti ubbing ket adda dagiti tulong nga inpaay na kadagiti tribo kas kadagiti tugaw manipod iti nagduduma nga ili ditoy probinsya.
