LAOAG CITY – Umaw-awaten ti Ilocos Norte Provincial Jail iti order para iti pannakaaramid ti lantern Christmas decor ita nga umay a panawen ti paskua.
Segun kenni Acting Provincial Warden Edietor Guiang, rinugian dagiti balud ti panagaramid kadagiti parol iti maudi a lawas ti Agosto tapno ad-adu pay ti maaramidda sakbay ti bulan ti Disiembre.
Innayonna a mannarimaan ti panagawatda kadagiti agpaaramid ti parol nangruna kadgiti lokal a gobierno.
Kabayatanna, adda dagiti addang nga araramiden ti Provincial Jail ket tapnu makatulong kadagiti Persons Deprived of Liberty (PDL) a maaddaanda iti kanayonan a kita apaman a makaruarda iti pagbaludan.
