LAOAG CITY – Mangidiaya ti Ilocos Norte Provincial Library ti baro a serbisio kadagiti estudiante nangnangruna kadagiti ag-final defense wenno ag-oral defense.
Inlawlawag ni Mr. Eric Coloma, ti Provincial Librarian a sindadaanda a mangipausar iti baro ken kain-instolar pay laeng nga Smart TV iti nadakamat a library ti probinsia.
Inbatadna a no kalikaguman dagiti maseknan nga agad-adal ti agensayo iti panangipresentarda iti thesis dagitoy ket mabalinda ti mapan agpa-schedule wenno agpareserba.
Kabayatanna a depende no adda dagiti sabsabali pay a naka-schedule agsipud ta kalikagumda a maiwaras ti serbisio ti Provincial Library.
