LAOAG CITY – Kalikagom nga idasar ni Ms. Elma Irapta, ti mangidadaulo ti Provincial Nutrition Action Office iti Pre-Executive Legaslative Agenda iti kapitolyo probinsial ti pannakaipalawa wenno pannakaiyakar ti opsinada.
Segun kenni Irapta, nailet ken bassit iti espasio ii opisinada kangrunaanan no agsangpet dagiti supplies dagitoy para kadagiti programa ken aktibidad nga iyususwatda.
Inbatad na a saan nga umanay ti opisina da a mangakomodar kadagiti supplies ken manpower dagitoy nangruna ket nagkiddaw da a manayunan ti empleado da.
Manainig iti daytoy, kunana a no mabalbalin ket maiyakar ti opsinada wenno saan ket mailawlawa tapno adda iti pangikabilan da kadagiti food supply nga agappo iti rehiyon.
Kabayatanna, mangnamnama ni Irapta a mapatgan daytoy a kiddawda tapno naur-urnos ken nalawlawa met laeng iti pagtrabahoan dagitoy.
