LAOAG CITY – Naipisuken iti Bureau of Jail Management and Penology (BJMP) ditoy ciudad ti Laoag ti provincial security guard a ni Mr. Rolando Simon gapo iti maipagarop a panangmolestya na iti menor de edad a babai.
Daytoy ti kinumpirmaran ni Police Lt. Col. Amador Quiocho, chief of police ti Laoag.
Kuna na a napilaan ni Simon ti kaso a rape kalpasan iti panangmolestya na ti agtawen 14 iti CR ti swimming pool iti Marcos Stadium.
Ummuna iti daytoy, inlawlawag ni Quiocho a nagsaludsod ti ubing kenni Simon no papanan ti gwardya ken idi inbaga na nga iti CR ket simmurot ti ubing tapno mapan met umisbo.
Inbatad na a dita a maipagarup nga inngato ti gwardya ti bado ti ubing ken nakita na ti barukong na ken maipagarup pay nga iniggaman na ti mabagbagi ti menor de edad.
Maipalagip a tiniliw dagiti otoridad ti nasao a gwardya kalpasan a napan nagreklamo dagiti agina iti PNP.
