LAOAG CITY – Naiget ti panangiyimplementar ti Provincial Special Force Team iti Ilocos Norte Police Provincial Office ti provincial ordinance kangrunaan na ti Illegal Quarry Operation.
Daytoy ti inrakurak ni Provincial Director Police Col. Frederick Obar.
Segun ken ni Obar, addan ti pammilin na kadagiti Municipal Police Stations iti intero a probinsya para iti naiget a panagmonitor da kontra kadagiti possible nga agisayangkat iti illegal a panag-quarry.
Maipalagip a gapu iti naiget a panagmonitor dagiti otoridad kangrunaan na ti Provincial Special Force Team ket nagresulta iti pannakatiliw da iti driver ti mini dumptruck iti paset ti Barangay 5, San Ramon iti ili ti Vintar a nagkarga kadagiti batbato nga awan ti umiso a dokumento na ken naduktalan pay a ti maseknan ket awan ti lisensya na nga agmaneho.
