LAOAG CITY – Inpalgak ni Mr. Xavier Ruiz ti officer-in-charge ti Provincial Tourism Office nga adda ti manamnamaa 3000 a kwarto a mabalin a pagtalinaedan dagiti bisita iti mapaspasangasangan a Palarong Pambansa 2025.
Kunana a daytoy ket pakabuklan a bilang dagiti kwarto a maakomodar apaman ti aktibidad no sadinno naamuan a sumagmamano kadagitoy ket dagiti nagduduma nga hotels iti ciudad ti Laoag.
Inlawlawagna a dagitoy nga hotel ket manamanama a pagyanan dagiti supporters, dagiti atleta ken pamilya da, agraman dagiti government officials nga agturong ditoy probinsya.
Innayonna a ti SM hotels ket manamnama a mangipasdek pay ti establishemento ditoy ciudad nga addaan ti 150 a kwarto a manmanama a malukatan sakbay ti Palarong Pambansa.
Inpakaammona pay a dagiti agdama nga hotel kas iti Fort Ilocandia ken Plaza del Norte ket mannarimaan ti panagsagana da para iti nasao nga aktibidad.
Kabayatanna, inpaganetget ni Ruiz nga amin nga ububraen da ita ket kas panagsagana iti 2025 Palarong Pambansa a maangay ditoy probinsya.
