LAOAG CITY – Inlawlawag ni Mr. Xavier Ruiz, mangidadaulo iti Provincial Tourism Office ti biang ti gobierno probinsial maipanggep iti maipagarop a saan a pannakairaman ditoy siudad ti Laoag iti Trick or Treat iti napalabas a Semana Ar-aria Festival 2024.
Segun kenkuana, adda ti nagbalin nga inisial a koordinasion da kadagiti amin a tourism officer ditoy probinsia pakairamanan ti dati a tourism officer ditoy siudad ti Laoag.
Nupay kasta, sakbay ti pannakaiyuswat ti nasao nga aktibidad ket nag-resign ti tourism officer ti lokal a gobierno ti siudad iti posisionna.
Kabaytanna, kuna ni Ruiz a pinadas ti nag-reach out iti biang ti lokal a gobierno ditoy siudad ngem awan ti naawatda sungbat.
