LAOAG CITY – Patien ni Mr. Aian Ree Raquel, ti Provincial Tourism Officer a napolitika dagiti cultural public activities ti gobierno probinsyal.
Karaman kadagiti nadakamat ni Raquel a napulitika ket ti
trick or treat nga immunan a nadakamat ni Mayor Michael Marcos-Keon a naikkat iti rutada ti ciudad iti baet a naimpormaran da babaen ti dati a tourism officer a ni Ms. Angel Lao.
Nupay kasta, iti dayta a panawen ket isu metten ti panagresign ni Lao isut gapuna a naisardeng ti komunikasyon ta awan metten ti makikikoordinar kadakwada.
Malaksid iti trick or treat ket dinakamat pay ni Raquel ti Tan-ok no sadinno nga immunan nga inawagan ni Keon a bias dagiti hurado isut gapuna a saanen a makipartisipar ti ciudad ti Laoag.
Segun kenni Raquel, ikarigatan da ti agbalin nga objective ken dagitoy nga aktibidad ket isu koma ti pagmaymaysaan dagiti umili ditoy probinsya.
