LAOAG CITY – Inbinsa-binsa ni Dr. Loida Valenzuela, Provincial Veterinarian dagiti kangrunaan a matingiting babaen kadagiti maibyahe a karne ken produkto ti karne a sumrek ditoy probinsya.
Karaman iti naiget a kitaen da ket ti label, istrikto nga itrace da no sadinno ti naggapoan na ken masapol nga ASF-free ken dadduma pay.
Segun kenni Valenzuela, adda ti pito a meat and meat producst suppliers a mapalubusan nga agiserrek ditoy probinsya.
Inlawlawag na pay a masapol a ti pakailuganan dagiti karne ket mamentenar ti temperature na tapno ti nasayaat latta ti kondisyon dagiti karne a naggapo iti planta, cold storage facilities, wenno depo.
Inpetteng na a masapol a saan laeng nga iti karton ti makaipanan dagiti karne bayat ti pannakaibyahe dagitoy tapno maliklikan ti kontaminasyon.
Mainaig iti daytoy, kunana a para kadagiti online sellers, masapol a sumurot da iti meat code, consumers act ken food safety ken dagiti suppliers dagitoy ket accredited.
Inpalgak na a no adda ti aglabsing kadgaiti pagannurutan ket ireport laeng kadakuada.
