LAOAG CITY – Inlawlawag ni Dr. Loida Valenzuela, ti provincial veterinarian ditoy Ilocos Norte ti maipanggep iti RA 9482 wenno ti “Anti-Rabies Act of 2007.”
Kuna na a babaen iti nasao nga akta ket masapol a mapagtalinaed a nasayaat ti pannakataraken dagiti ayop.
Inbinsa-binsa na nga uppat laeng ti kondisyon iti panagtaraken ken dagitoy ket ti pannakaipaay ti umdas a makan ken inomen, panangpabakuna, panangiparikna ti ayat pakairamanan ti panangbayabay iti taraken nu , maibulos.
Inbatad ni Valenzuela a nu saan a maaramid dagiti nasao a kondisyon ket adda ti pagsungbatan ti agtagikua ti taraken nga ayop.
Inpakaammo na a maikosiderar daytoy a panaglabsing iti Animal Welfare Act wenno ti RA 8485
Kuna ni Valenzuela a maysa ti rabies ti ikonsiderar ti Department of Health a kangrunaan a rason ti pannakatay dagiti tattao.
Immunan nga inbatad ni provincial veterinarian a masapol a mapagtalinaed ti nasayaat a panagtaraken ti ayop tapno awan ti sabali a maapektaran.
