LAOAG CITY – Inlawlawag ti Provincial Veterinarian a ni Dr. Loida Valenzuela a ti maysa a kitkitaen da kadagiti agbalin a benepisiario ti Agri Ka Dito Program ket basar iti trabaho dagitoy.
Kunana a saan da nga agibunbunong kadagiti livelihood assistance iti siasinno laeng no di ket ti laeng kasapulan ket adda ti kapasidad dagitoy nga agtaraken.
Inyarig ni Valenzuela dagiti jeepney wenno tricycle drivers nga awan oras na tapno agtaraken kadagiti dingwen isut gapuna a da nga ipaayan dagitoy gapu ta kaaduan iti oras da ket adda da iti kalsada gapu iti panagpasada, ken kaasi laeng dagiti dinguen a mabaybayan no awan mangtaripato kadakuada.
Nupay kasta, kunana a no adda laketdi ti kabbalay da a mangkita kadagitoy a taraken ket mabalin a maipaayan da tapno saan met a kailala ti naidiaya a tulong kadakuada ken nasaysayaat laengen no maited ti oportunidad kadagiti pudno nga agkasapulan.
Malaksid iti daytoy, kuna pay ni Valenzuela a kasapulan pay ti insurance ID wenno ti RSBSA Registry System for Basic Sectors in Agriculture para kadagiti agriculture-based livelihood.
Innayon na a naruay latta dagiti agturturong iti opisina da tapno agkiddaw ti tulong.
Maipalagip nga iti laeng kallabes ket naipaayan dagiti 235 recipients ti Animal Dispersal ken Livelihood Program iti mismo nga opisina ti Provincial Veterinary, nga iti tunggal maysa nga indibidual ket nakaala ti sangpulo a free-range chicken, ken nu grupo ket sangagasut met a manok ti naipaay kadagitoy.
