LAOAG CITY – Puntiria ti Provincial Veterinariy Office a mabakunaan ti 106,575 nga aso ditoy Ilocos Norte.
Segun ken ni Dr. Loida Valenzuela, provincial veterinarianl, daytoy ket pitopulo a porsiento manioud iti kabuklan a bilang dagiti aso iti intero a probinsia a mapatta-patta nga umab-abot iti 152,250.
Inbunannag na a daytoy a tignay ti inar-aramid da bayat ti pannakaipatungpal ti Global Alliance for rabies program a dakkel a nakatulong iti panagbalin a rabies free ti Ilocos Norte iti napalabas a sangapulo a tawen.
Nupay kasta, inpalgakna nga iti agdama ket nalidem a mabakunaan ti nadakamat a bilang dagiti aso a rumbeng a mabakunaan gapu ta limitado ti bakuna.
Mainaig iti daytoy, inrakurak ni Valenzuela a mabalin nga agkiddaw da ti tulong dagiti Local Government Units.
Inbatad na a nakasaritanan ni ABC Federated Pres. Elmer Faylogna iti posibilidad nga itutulong dagiti barangay iti daytoy a ganuat.
Kabayatanna, innpakaammo na a 151 nga aso ti nagpositibo ti rabies ditoy probinsia ken kadagupan ti nasao a bilang ket agarup 40 dagiti agwarangwarang nga aso ken 18 kadagitoy ti nakakagat ti tao.
