LAOAG CITY – Inadmitir ni Magdalo Rep. Garry Alejano a saan na pay nakita ti General Appropriations Act iti bugdet para ti tawen 2018.
Basar ti pannirigan ni Alejano, mainaig ti napukawan ti pondo para kadagiti proyekto iti distrito ket kayat na sawen ket maikkatan ti allocation ti pondo iti naapektaran a distrito.
Gapu iti daytoy, amin a distrito ditoy pagilian a naapektaran iti nasao a banag ket maitantan ti pannakaaramid dagiti saan pay a nalpas a proyekto kas ti rangtay, kalsada, rip-rap ken flood control gapu ta naikkatan ti alokasyon.
Naamuan nga umabot ti 24 a congressional district ti napukawan ti pondo para ti 2018 budget.
