LAOAG CITY – Inpakaammo ni Mr. Marcell Tabije, mangidadaulo ti Provincial Risk Reduction Management Office a mamin ado a daras a nairekord ti pannakalayos iti Underground Capitol Extension nangruna nu napigsa ti tudo.
Segun kenkuana, kalpasan a naipadanon iti opisina da daytoy a banag ket insigida da a nakikoordinar iti Provincial Engineering Office.
Inbatad ni Tabije a daytoy ket gapu iti problema ti drainage system nangruna ket mannarimaan pat laeng ti construction ti nadakamat a proyekto.
Nupay kasta, inpasiguradona nga iti umadanin a pannakaileppas iti nasao nga establisiemento ket bumasbassit metten ti mairekrekord a panaglayos iti nasao a parking lot.
Innayonna a mannarimaan a maestablisar a water pump no sadinno nga adda ti naikkedeng a lebel ti danom a madanon ket insigi a mai-draine out daytoy.
Inpettengna nga adda dagiti nagduduma nga araramiden ti Provincial Engineering Office tapnu malimitaran dagiti nasao a problema.
Kabayatanna, inpasigrado ni Tabije a sakbay nga awaten ti Provincial Government ti probinsia a siguraduenda nga awan ti agbalin a problema ken awan ti mapasaran a layos a mapasamak nangrun iti panawen ti panagtutudo.
