LAOAG CITY – Inparuk-at ti Philippine Statistics Authority (PSA) ti resulta ti January 2025 Labor Force Survey (LFS) no sadinno a makita ti top 5 a trabaho a makaaw-awat ti kangatoan a daily basic pay iti pagilian.
Makita iti datos manipud iti kaudian a Labor Force Survey dagiti sumaganad a 5 major jobs maipapan iti daily wages:
Umuna ditoy ti Manager, agaw-awat ti kangatoan nga average daily wage idi Enero 2025 a P1,300, bimmaba manipud iti P1,356 idi Enero 2024.
Simmaruno iti listaan ti Armed Forces occupations, makaaw-awat ti P1,174 average daily wage a ngimmato manipud iti P1,095 per day year-on-year.
Ti Professionals ket isu ti maikatlo a kangatoan a makaaw-awat ti daily basic pay a P1,173, ngimmato ti P113 idi Enero 2024.
Ti Technicians ken associate professionals ti maikapat, umaw-awatda ti P855 basic pay per day, ngimmato manipud iti P786 year-on-year.
Ti Clerical support workers ti maikalima nga addaan ti daily basic pay a P739, ngimmato manipud iti P708 iti kapada a bulan iti napalabas a tawen.
Kabayatanna, ti bottom five occupations nga addaan ti kababaan a daily basic pay ket dagiti sumaganad:
Elementary occupations — P416
Skilled agricultural, forestry ken fishery workers — P418
Service ken sales workers — P531
Plant and machine operators ken assemblers — P572
Craft ken related trades workers — P573
