LAOAG CITY – Inbatad ni Ms. Stephanie Valiente, Psychometrician ken OIC iti Guidance Office ti Northwestern University (NWU) a nagduduma a factor ti mabalin a makaitunda ti mental health problem.
Segun kenni Valiente, maysa ditoyen ti agdama a paspasaren a pandemya pakairamanan pay ti environment ken stress.
Inlawlawag na pay a karaman kadagiti senyales a makapaspasar ti kastoy ti maysa a tao ket no simmabali ti ugali wenno garaw na.
Kunana a no maldaw ti maysa a tao a sabali ti mapaspasaran na ket masapol nga ikonsultar kadagiti professionals, ken ti pamilya ti maysa pay kadagiti kangrunaan a makatulong kadagitoy.
Inpalgak na pay a ti maysa met kadagiti rumbeng nga aramiden dagiti tattao a pagtaltalkan dagiti makaspasar ti mental problems ket dumngeg iti amin nga ibaga wenno concern ti maseknan.
Mainaig iti daytoy, kuna ni Valiente a sipud nangrugi ti pandemya ket ngimmato met ti bilang dagiti makaspaspasar ti mental health problems.
