LAOAG CITY – Nagballigi iti naangay a public consultation dagiti sumagmamano a department heads ditoy ciudad ti Laoag.
Daytoy ket maipanggep pay laeng iti pannakaiplastar wenno pannakaurnos iti market value dagiti real property.
Segun kenni Mayor James Bryan Alcid, kalikagum ti gobierno lokal ditoy ciudad babaen ti City Assessor’s Office ti pannakaiplastar a naimbag ti market value dagiti real property iti siudad.
Inbatad na a daytoy ket babaen ti pannakaimplementar ti Section 15 ti Republic Act 12001 wenno Real Property Valuation and Assessment Reform Act.
Kabayatanna, inawis ti mayor dagiti stakeholders, owners ken amin nga interesado gapu ta addan to manen maiwayat a sabali a bansada ti Public Hearing iti oras ti alas-dos ti malem iti City Auditorium intono Marso 28, 2026.
