LAOAG CITY – Maisayangkat intono bigat ti public hearing seknan ti pannakaipangato ti plete iti tricycle ken kalesa ditoy siudad ti Laoag.
Daytoy ti inpakaammo ti Sangguniang Panlungsod babaen kenni ABC President Mikee Fariñas, chairman ti committee onn transporation.
Maiwayat ti public hearing iti multi-purpose hall intono alas dos ti malem intono bigat Abril 7.
Kuna na a nasken nga umatendar dagiti maseknan iti public hearing tapno maidanun dagiti reklamo ken problema.
Maibasar iti kiddaw ti grupo dagiti traysikelan ket maipangato iti 13 a pisos ti minimum a plete ken manayunan ti dua a pisos iti kada kilometro.
Maipalagip ket naipangato to plete ti ricycle ken kalesa idi tawen 2011.
